نشرها احلى الرحلات الخاطفه بدون سابق انذار .. يعني كذا لما نقرر نروح الطايف طبعاً
الطايف جوه روعه وناسه روعه ” طبعاً بيت امي نوره ” برده يجنن
مع بداية السنه الهجريه رحنا لها
طبعاً في السياره ما ينسمع صوت لأحد غيري انا وغاده .. تعالي ي بنت اجلسي ي بنت واللي معنا يسمعون هالسموفونيات الجميله اللي كلها شجن
وطبعاً كالعاده ما اخلي جبل الا اصوره .. مدري خلفتهم ونسيتهم والا ايش السالفه
رحنا وانبسطنا وكل شي .. ورجعنا اليوم الثاني .. وقررنا ننزل جده مع كرا
الكل صدع وهجد الا انا اصور وبنتي تتكلم <- اللي يبي ينبسط في سفرته لا ياخذها هي وبنتها خخ
وفي طريق العوده معنا هالورده اللي اهدتنا اياها خالتي من حديقتهم الغنّاء
و امي اصرت انها تجرب هالشاهي اللي ما يشجع ابد ..
و مروراً بهالاشكال الجميله : )
وصلنا للتلفريك اللي مهدده في يوم من الايام اني اركبه مرافقه للبنات الصغار ..
يعني انا وش ذنبي اموت خوف عشانهم ينبسطون .. بس تركبيه يعني تركبينه 😦
وصلنا للديار بسلام .. والحمدلله على سلامتنا 🙂
