النوم بشكل مريح بدون افكار مزعجه

نشرها

صباحكم ورد و ياسمين ،،

كثييير نعاني من الافكار اللي تودي و تجيب قبل النوم خصوصاً و يتأخر وقت نومنا ، و ننزعج و يصيبنا الارق ،

فيه اشياء بسيطة تسويها تحد من هذي المشكلة ، و ممكن تقضي عليها لو انت استمريت و اصبح اسلوب حياتك و نومك

اولها : تمارين التنفس بعمق

ماراح اطولها و اتفلسف ، هي خطوات بسيطة تسونها قبل النوم

تكون مسترخي مررره و نايم على ظهرك و مغمض عيونك

تاخذ شهيق عميق من الانف و تعد على اصابعك من واحد إلى سته

تحبسه داخل بطنك بنفس العدد و على اصابعك من واحد إلى سته

و تزفر و تخرج الهواء من فمك ،، بنفس الرتم و العدد إلى سته

خليك على هذي الوتيرة خمس دقايق الى عشره في البدايه راح تلاقي صعوبه سوي اللي تقدر عليه

و يكون كل تركيزك على تنفسك ، ما تفكر في اي شي ثاني

و انت تلقائي بتلاحظ ان عقلك يخلو من كل الافكار اللي كانت تؤرق منامك

العد ممكن يكون الى اربعة على حسب استطاعتك ،

الفايدة من العد بنفس العدد : انك تكون مركز اشد التركيز على التنفس

اهم نقطة استشعر دخول الهواء بداخلك و بقائه داخلك و خروجه

استشعر الفائدة العظيمة من هذا التنفس ، تخيل ان الاوكسجين يتوزع على الخلايا بشكل مرتب

تخيل كيف دمك يكون مبسوط و انت تعطيه كميه الاوكسجين هذي <- سوو سكيب على بعض الخيال خخ

المهم يكون تركيزك على تنفسك و جسمك ،

اللي طرالي هذا الشي ، تطبيق الصحة في جوال هواوي لما ربطته بالساعه و صرت اركز على عدد ساعات نومي

و كيف يحدد لك عدد ساعات النوم الخفيف و النوم العميق ، و كانت نسبة النوم العميق مرره قليله ،

بحثت وش يساعدني على النوم بعمق ، لقيت ان تمارين التنفس تساعد ،

صرت اسويها قبل انام ، للحقيقه ما كان يومياً بين فتره و فتره و صرت اراقب نومي مع الساعه

اكتشفت ان نسبه النوم العميق زادت ، صح مو بشكل كبير بس اهم شي زادت ،،

و اكتشفت ان هذي التمارين ،، تصفي ذهني قبل النوم و تخليني ما افكر بشي قبل النوم ،،

هذا تقرير من ساعة هواوي المربوطه بجوالي

كان الفرق تقريباً شهرين ،، فرق جيد و هذا و انا ما انتظمت على تمارين التنفس بشكل مستمر

كان ١٥٪ و صار ٢٥٪ ،، شي يخليك تستمر ،

اتمنى لكم الفائدة ،

كل الحب❤

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s